Blinchiklar to‘ldirilgan tovuq
40 daq
Blinchiklar to‘ldirilgan tovuq
40 daq
IKKINCHI OVQATLARMehmonlarni hayratga soladigan taom!
Ingrediyentlar
- JO‘JA tovug‘i (to‘sh go‘shti) - 1,5 kg
- Ta’bga ko‘ra tuz, qalampir
Blinchiklar uchun:
- Sut - 500 ml
- Un - 4 osh qoshiq
- Makkajo‘xori kraxmali - 4 osh qoshiq
- Shakar - 1 osh qoshiq
- Tuxum - 4 dona
- Tuz - 1 chimdim
- O‘simlik yog‘i - 2 osh qoshiq
To‘ldirish uchun:
- Tayyor guruch - 100 g
- Shampinyon - 250 g
- Motsarella pishlog‘i - 100 g
- Piyoz - 1 dona
- Tuxum - 1 dona.
- Sarimsoq - 2 bo‘lak
- Petrushka - 1 tutam
- Saryog‘ - 50 g
- Ta’bga ko‘ra tuz, qalampir
Tayyorlash usuli
- Blinchiklar pishirib oling. Buning uchun un, kraxmal, tuz, shakarni bir xil xamir olinmaguncha aralashtiring. Hosil bo‘lgan xamirga qolgan sutni quying.
- Xamirni 20-30 daqiqaga tindirib qo‘ying, shu vaqt ichida unda kleykovina hosil bo‘ladi va blinchiklarni pishirish osonroq kechadi, chunki ular elastikroq bo‘ladi va kamroq yirtilib ketadi. Pishirishdan oldin xamirga 2 osh qoshiq o‘simlik yog‘ini qo‘shing.
- Blinchiklarni ikki tomondan qaynoq tovada pishiring.
- Tovuqni bo‘laklashni boshlang. JO‘JA tovug‘ini yuving va qog‘oz sochiq bilan quriting. Pichoq yordamida ko‘krak tomonidan boshlab terini go‘shtdan ehtiyot bo‘lib ajrating
- Keyin tovuqni ag‘daring, dumini olib tashlang va orqa tomondan terini pichoq bilan ehtiyotkorlik bilan ajrating.
- Terini oyoqlardan surib qo‘ying, bo‘g‘inni sindiring va keyin kesing. Keyin oyoqlarni yana teriga tiqing. Qanot bo‘g‘imlarini ham xuddi shu tarzda kesing.
- Tovuq terisini paypoq kabi yechib oling, ichidan tuz va murch bilan ishqalang va sovutgichga qo‘ying.
- To‘ldirmani tayyorlang. Tovuq go‘shtini suyaklardan ajratib oling va go‘sht maydalagichdan o‘tkazing.
- Saryog‘ni qaynoq tovada eritib oling.
- Saryog‘da mayda to‘g‘ralgan piyozni qovuring. Keyin mayda kubiklarga to‘g‘ralgan qo‘ziqorinlarni qo‘shing, ozgina tuzlang, aralashtiring va suyuqlik to‘liq bug‘lanib ketguncha qovuring.
- Petrushka ko‘katini mayda to‘g‘rab oling, sarimsoqni pressdan o‘tkazing. Qiymaga sovugan qo‘ziqorin, sarimsoq, petrushka va tuxumni qo‘shing. Ta’bga ko‘ra tuz va qalampir soling, yaxshilab aralashtiring.
- Guruchni qaynatib oling. Guruchni to‘ldirmaga qo‘shing va yana yaxshilab aralashtiring.
- Blinchikdan ruletlar tayyorlang. Blinchikka to‘ldirmani soling va yuzasi bo‘ylab bir tekisda taqsimlang. Maydalangan pishloq seping.
- Blinchiklarni zich qilib o‘rang, ushbu jarayonni hammasi bilan takrorlang.
- Tovuq terisini blinchiklar bilan to‘ldiring, moylangan pishirish varag‘iga qo‘ying. Qorni va bo‘ynini tish kovlagichlar bilan mahkamlang. Pishirish paytida tovuqning terisi yorilib ketmasligi uchun terining bir nechta joylarida tish kovlagich bilan bir nechta teshiklar qiling. Oldindan qizdirilgan pechda 180°C da taxminan 60 daqiqa davomida pishiring.
- Blinchiklar bilan to‘ldirilgan tovuq tayyor, bayram dasturxoniga tortiq qilish mumkin.
- Porsiya bo‘laklariga bo‘ling va zavqlaning.
Loading recipes
