1. NAMLIKNING ORTIQCHA YO‘QOTILISHIGA YO‘L QO‘YMASLIK

Pichoq bilan kesmang va sanchqi bilan teshmang – har bir teshik go‘sht sharbatining chiqishiga yangi yo‘l ochadi. Xuddi shu sababga ko‘ra, pishirilgandan keyin darhol ko‘krakni kesmang. Sharbat qaynayotganda, u jadal ravishda tashqariga oqib chiqadi. Go‘shtni ozgina sovitib qo‘ying, shunda namlik ichida qoladi.

2. TO‘SIQ YARATING

Shirali tovuq filesini tayyorlash uchun avval uni maksimal haroratda 2-3 daqiqa davomida qovurish tavsiya etiladi. Bu go‘shtning tashqi qatlamini tezda qotirishga yordam beradi - sharbatni ko‘krak ichida ushlab turadigan qobiq hosil bo‘ladi. Kuchli qovurish bosqichi nafaqat tovuqni tovada pishirishda, balki pechda pishirish yoki qovurishdan oldin ham foydali.

3. VAQTNI CHO‘ZMANG

Agar siz tovuqni quyidagi vaqtdan uzoqroq pishirmasangiz, u yumshoq va shirali bo‘lib qoladi:

15 daqiqa – tovada qovurishda;

25 daqiqa – qaynatish yoki dimlashda;

35 daqiqa – pechda pishirishda.

4. TUZDAN TO‘G‘RI FOYDALANING

Tuz suvni ushlab turadi (tortadi). Agar siz go‘shtni tashqi tomondan tuzlasangiz, unda tuz namlikni yuzaga tortadi va u yanada qurib ketadi. Ammo agar ichkaridan tuzlasangiz, teskari ta’sir hosil bo‘ladi. Buning uchun solenad kerak bo‘ladi – tuz eritmasi asosidagi marinad.

Shirali tovuq ko‘kragi uchun solenad 

Tovuq ko‘kragini mazali va shirali saqlaydigan solenad retsepti: 1 litr suv uchun 70 gramm tuz va 30 gramm shakar olishingiz kerak. Ta’bga ko‘ra istalgan ziravorlar qo‘shishingiz mumkin. Ko‘krakni yaxshilab tuzlanishi uchun uni 40-60 daqiqa ushlab turish kifoya.